న తాతో న మాతా న బంధుర్ న దాతా
న పుత్రో న పుత్రీ న భృత్యో న భర్తా |
న జాయా న విద్యా న వృత్తిర్ మమైవ
గతిస్త్వం గతిస్త్వం త్వమేకా భవాని || ౧ ||
భవాబ్ధావపారే మహాదుఃఖ భీరు
పపాత ప్రకామీ ప్రలోభీ ప్రమత్తః |
కుసంసారపాశ ప్రబద్ధః సదాహమ్
గతిస్త్వం గతిస్త్వం త్వమేకా భవాని || ౨ ||
న జానామి దానం న చ ధ్యానయోగం
న జానామి తంత్రం న చ స్తోత్రమంత్రమ్ |
న జానామి పూజాం న చ న్యాసయోగమ్
గతిస్త్వం గతిస్త్వం త్వమేకా భవాని || ౩ ||
న జానామి పుణ్యం న జానామి తీర్థం
న జానామి ముక్తిం లయం వా కదాచిత్ |
న జానామి భక్తిం వ్రతం వాపి మాతా
గతిస్త్వం గతిస్త్వం త్వమేకా భవాని || ౪ ||
కుకర్మీ కుసంగీ కుబుద్ధీ కుదాసః
కులాచారహీనః కదాచారలీనః |
కుదృష్టీ కువాక్య ప్రబంధః సదాహమ్
గతిస్త్వం గతిస్త్వం త్వమేకా భవాని || ౫ ||
ప్రజేశం రమేశం మహేశం సురేశం
దినేశం నిశీథేశ్వరం వా కదాచిత్ |
న జానామి చాన్యత్ సదాహం శరణ్యే
గతిస్త్వం గతిస్త్వం త్వమేకా భవాని || ౬ ||
వివాదే విషాదే ప్రమాదే ప్రవాసే
జలే చ ఆనలే పర్వతే శత్రుమధ్యే |
అరణ్యే శరణ్యే సదా మాం ప్రపాహి
గతిస్త్వం గతిస్త్వం త్వమేకా భవాని || ౭ ||
అనాథో దరిద్రో జరారోగ యుక్తో
మహాక్షీణ దీనః సదా జాడ్యవక్త్రః |
విపత్తౌ ప్రవిష్టః ప్రనష్టః సదాహం
గతిస్త్వం గతిస్త్వం త్వమేకా భవాని || ౮ ||
|| సంపూర్ణమ్ ||
No comments:
Post a Comment