శ్రీ రామ ఆపదుద్ధారక స్తోత్రం

1) ఆపదామప హర్తారం దాతారం సర్వసంపదాం| లోకాభిరామం శ్రీరామం భూయో భూయో నమామ్యహం ||

*2) నమః కోదండ హస్తాయ సంధీకృత శరాయ చ|దండితాఖిలదైత్యాయ రామాయాపన్నివారిణే ||*

*2) ఆపన్నజనరక్షైక దీక్షాయామితతేజసే | నమోఽస్తు విష్ణవే తుభ్యం రామాయా పన్నివారిణే ||*

*3) పదాంభోజరజ స్పర్శపవిత్రమునియోషితే | నమోఽస్తు సీతాపతయే రామాయాపన్నివారిణే ||*

*4) దానవేంద్రమహా మత్తగజపంచాస్యరూపిణే | నమోఽస్తు రఘునాథాయ రామాయాపన్నివారిణే ||*

*5) మహిజాకుచ సంలగ్నకుంకుమారుణ వక్షసే | నమః కల్యాణరూపాయ రామాయాపన్నివారిణే ||*

*6) పద్మసంభవభూతేశ మునిసంస్తుతకీర్తయే |నమో మార్తాండ వంశ్యాయ రామాయా పన్నివారిణే ||*

*7) హరత్యార్తిం చ లోకానాం యో వా మధునిషూదనః |నమోఽస్తు హరయే తుభ్యం రామాయా పన్నివారిణే ||*

*8) తాపకారణసంసార గజసింహస్వరూపిణే |నమో వేదాంత వేద్యాయ రామాయా పన్నివారిణే ||*

*9) రంగత్తరంగజలధి గర్వహృచ్ఛరధారిణే |నమః ప్రతాపరూపాయ రామాయాపన్నివారిణే ||*

*10) దారోపహిత చంద్రావతంస ధ్యాతస్వమూర్తయే |నమః సత్య స్వరూపాయ రామాయాపన్నివారిణే ||*

*11) తారానాయక సంకాశవదనాయ మహౌజసే | నమోఽస్తు తాటకాహంత్రే రామాయాపన్నివారిణే ||*

*12) రమ్యసానుల సచ్చిత్రకూటాశ్రమ విహారిణే | నమ స్సౌమిత్రి సేవ్యాయ రామాయాపన్నివారిణే ||*

*13)సర్వదేవాహితాసక్త దశాననవినాశినే |నమోఽస్తు దుఃఖ ధ్వంసాయ రామాయా పన్నివారిణే ||*

*14) రత్నసాను నివాసైక వంద్య పాదాంబుజాయ చ |నమస్త్రైలోక్యనాథాయ రామాయాపన్నివారిణే ||*

*15) సంసారబంధమోక్షైక హేతుదామప్రకాశినే |నమః కలుషసంహర్త్రే రామాయాపన్నివారిణే ||*

*17) పవనాశుగసంక్షిప్త మారీచాదిసురారయే |నమో మఖపరిత్రాత్రే రామాయాపన్నివారిణే ||*

*17) దాంభికేతరభక్తౌఘ మహానందప్రదాయినే | నమః కమలనేత్రాయ రామాయాపన్నివారిణే ||*

*18) లోకత్రయోద్వేగకర కుంభకర్ణశిరశ్ఛిదే | నమో నీరదదేహాయ రామాయాపన్నివారిణే ||*

*19) కాకాసురైకనయన హరల్లీలాస్త్రధారిణే |నమో భక్తైకవేద్యాయ రామాయాపన్నివారిణే ||*

*20)భిక్షురూప సమాక్రాంత బలిసర్వైకసంపదే | నమో వామనరూపాయ రామాయాపన్నివారిణే ||*

*21)రాజీవనేత్రసుస్పందరుచిరాంగసురోచిషే |నమః కైవల్యనిధయే రామాయాపన్నివారిణే ||*

*22) మంద మారుత సంవీతమందార ద్రుమవాసినే | నమః పల్లవపాదాయ రామాయాపన్నివారిణే ||*

*23) శ్రీకంఠచాపదలన ధురీణబలబాహవే |నమః సీతానుషక్తాయ రామాయాపన్నివారిణే ||*

*24)రాజరాజ సుహృద్యోషార్చిత మంగలమూర్తయే | నమ ఇక్ష్వాకువంశ్యాయ రామాయాపన్నివారిణే ||*

*25) మంజులాదర్శ విప్రేక్షణోత్సుకైకవిలాసినే | నమః పాలితభక్త్తాయ రామాయాపన్నివారిణే ||*

*26) భూరిభూధర కోదండమూర్తి ధ్యేయస్వరూపిణే | నమోఽస్తు తేజోనిధయే రామాయాపన్నివారిణే ||*

*27) యోగీంద్ర హృత్సరోజాతమధుపాయ మహాత్మనే | నమో రాజాధిరాజాయ రామాయాపన్నివారిణే ||*

*28)భూవరాహ స్వరూపాయ నమో భూరిప్రదాయినే | నమో హిరణ్యగర్భాయ రామాయాపన్నివారిణే ||*

*29)యోషాంజలివినిర్ముక్త లాజాంచిత వపుష్మతే |నమస్సౌందర్యనిధయే రామాయాపన్నివారిణే ||*

*30) నఖకోటివినిర్భిన్న దైత్యాధిపతివక్షసే | నమో నృసింహ రూపాయ రామాయా పన్నివారిణే ||*

*31) మాయామానుష దేహాయ వేదోద్ధరణ హేతవే | నమోఽస్తు మత్స్యరూపాయ రామాయాపన్నివారిణే ||*

*32) మితిశూన్య మహాదివ్యమహిమ్నే మానితాత్మనే | నమో బ్రహ్మస్వరూపాయ రామాయాపన్నివారిణే ||*

*33) అహంకారేతర జనస్వాంతసౌధ విహారిణే | నమోఽస్తు చిత్స్వరూపాయ రామాయాపన్నివారిణే ||*

*34) సీతాలక్ష్మణ సంశోభిపార్శ్వాయ పరమాత్మనే |నమః పట్టాభిషిక్తాయ రామాయాపన్నివారిణే ||*

*35) ఆపదామప హర్తారం దాతారం సర్వసంపదాం |లోకాభిరామం శ్రీరామం భూయో భూయో నమామ్యహం ||*

       *ఫలశ్రుతి:-*

*ఇమం స్తవం భగవతః పఠేద్యః ప్రీతమానసః |ప్రభాతే వా ప్రదోషే వా రామస్య పరమాత్మనః ||*

*2) స తు తీర్త్వా భవాంభోధిమాపదస్సకలా అపి |రామ సాయుజ్యమాప్నోతి దేవదేవప్రసాదతః ||*

*3) కారాగృహాది బాధాసు సంప్రాప్తే బహుసంకటే |అపన్నివారకస్తోత్రం పఠేద్యస్తు యథావిధి ||*

*4) సంయోజ్యానుష్టుభం మంత్రమనుశ్లోకం స్మరన్ విభుం |సప్తాహాత్సర్వబాధాభ్యో ముచ్యతే నాత్ర సంశయః ||*

*5) ద్వాత్రింశ ద్వారజపతః ప్రత్యహం తు దృఢవ్రతః | వైశాఖే భానుమాలోక్య ప్రత్యహం శతసంఖ్యయా ||*

*6) ధనవాన్ ధనదప్రఖ్యస్స భవేన్నాత్ర సంశయః |బహునాత్ర కిముక్తేన యం యం కామయతే నరః ||*

*7) తం తం కామమవాప్నోతి స్తోత్రేణానేన మానవః |యంత్రపూజావిధానేన జపహోమాదితర్పణైః ||*

*8) యస్తు కుర్వీత సహసా సర్వాన్ కామానవాప్నుయాత్ |ఇహ లోకే సుఖీ భూత్వా పరే ముక్తో భవిష్యతి ||*