ముక్కోటి ఏకాదశి విశిష్టత

పురాణాల ప్రకారం.. వేదాలను దొంగిలించిన ఇద్దరు రాక్షసుల (మధు, కైటభ)ను శ్రీమహావిష్ణువు వధించారు. తర్వాత వారికి మోక్షాన్ని ప్రసాదించగా.. వారు వైకుంఠంలోని ఉత్తర మార్గం ద్వారా వెళ్లి స్వామివారి ఎదుట మోకరిల్లారు. ఈ ముక్తి ప్రాప్తి తమకే కాదు, సౌరమాన మార్గశిర మాస శుక్ల పక్ష ఏకాదశి రోజున వైకుంఠ ద్వార దర్శనం చేసుకున్న ప్రాణికోటి అందరికీ ప్రసాదించాలని ఆ అసురులు కోరారు. అందుకు విష్ణుమూర్తి సమ్మతించారు. అందుకే మన సంప్రదాయంలో ముక్కోటి ఏకాదశికి ఇంతటి ప్రాశస్త్యం!