శ్రీదత్తాత్రేయస్తోత్రమ్ ( నారదపురాణ )

॥ జటాధరం పాండురంగం శూలహస్తం కృపానిధిమ్ । సర్వరోగహరం దేవం దత్తాత్రేయమహం భజే ॥ ౧॥

అస్య శ్రీదత్తాత్రేయస్తోత్రమంత్రస్య భగవాన్ నారదఋషిః । అనుష్టుప్ ఛన్దః । శ్రీదత్తపరమాత్మా దేవతా । శ్రీదత్తప్రీత్యర్థే జపే వినియోగః ॥

జగదుత్పత్తికర్త్రే చ స్థితిసంహార
హేతవే । భవపాశవిముక్తాయ దత్తాత్రేయ నమోఽస్తుతే ॥ ౧||

జరాజన్మవినాశాయ దేహశుద్ధికరాయచ ।
దిగమ్బరదయామూర్తే దత్తాత్రేయ నమోఽస్తుతే ॥ ౨॥

కర్పూరకాన్తిదేహాయ బ్రహ్మమూర్తిధరాయ చ ।
వేదశాస్త్రపరిజ్ఞాయ దత్తాత్రేయ నమోఽస్తుతే ॥ ౩॥

ర్హస్వదీర్ఘకృశస్థూల-నామగోత్ర-వివర్జిత । పంచభూతైకదీప్తాయ దత్తాత్రేయ నమోఽస్తుతే ॥ ౪॥

యజ్ఞభోక్తే చ యజ్ఞాయ యజ్ఞరూపధరాయ చ । యజ్ఞప్రియాయ సిద్ధాయ దత్తాత్రేయ నమోఽస్తుతే ॥ ౫॥

ఆదౌ బ్రహ్మా మధ్య విష్ణురంతే దేవః సదాశివః । మూర్తిత్రయస్వరూపాయ దత్తాత్రేయ నమోఽస్తుతే ॥ ౬॥

భోగాలయాయ భోగాయ యోగయోగ్యాయ ధారిణే । జితేన్ద్రియజితజ్ఞాయ దత్తాత్రేయ నమోఽస్తుతే ॥ ౭॥

దిగమ్బరాయ దివ్యాయ దివ్యరూపధ్రాయ చ । సదోదితపరబ్రహ్మ దత్తాత్రేయ నమోఽస్తుతే ॥ ౮॥
జమ్బుద్వీపమహాక్షేత్రమాతాపురనివాసినే । జయమానసతాం దేవ దత్తాత్రేయ నమోఽస్తుతే ॥ ౯॥

భిక్షాటనం గృహే గ్రామే పాత్రం హేమమయం కరే । నానాస్వాదమయీ భిక్షా దత్తాత్రేయ నమోఽస్తుతే ॥ ౧౦॥

బ్రహ్మజ్ఞానమయీ ముద్రా వస్త్రే చాకాశభూతలే । ప్రజ్ఞానఘనబోధాయ దత్తాత్రేయ నమోఽస్తుతే ॥ ౧౧॥

అవధూతసదానన్దపరబ్రహ్మస్వరూపిణే । విదేహదేహరూపాయ దత్తాత్రేయ నమోఽస్తుతే ॥ ౧౨॥
సత్యంరూపసదాచారసత్యధర్మపరాయణ । సత్యాశ్రయపరోక్షాయ దత్తాత్రేయ నమోఽస్తుతే ॥ ౧౩॥

శూలహస్తగదాపాణే వనమాలాసుకన్ధర । యజ్ఞసూత్రధరబ్రహ్మన్ దత్తాత్రేయ నమోఽస్తుతే ॥ ౧౪॥

క్షరాక్షరస్వరూపాయ పరాత్పరతరాయ చ । దత్తముక్తిపరస్తోత్ర దత్తాత్రేయ నమోఽస్తుతే ॥ ౧౫॥

దత్త విద్యాఢ్యలక్ష్మీశ దత్త స్వాత్మస్వరూపిణే । గుణనిర్గుణరూపాయ దత్తాత్రేయ నమోఽస్తుతే ॥ ౧౬॥

శత్రునాశకరం స్తోత్రం జ్ఞానవిజ్ఞానదాయకమ్ । సర్వపాపం శమం యాతి దత్తాత్రేయ నమోఽస్తుతే ॥ ౧౭॥

ఇదం స్తోత్రం మహద్దివ్యం దత్తప్రత్యక్షకారకమ్ । దత్తాత్రేయప్రసాదాచ్చ నారదేన ప్రకీర్తితమ్ ॥ ౧౮॥ ॥

ఇతి శ్రీనారదపురాణే నారదవిరచితం దత్తాత్రేయస్తోత్రం సుసమ్పూర్ణమ్ ॥